O CEIP Vilaverde-Mourente celebrará o sábado día 25 de maio de 2019, a partires das 10:30 da mañá o XXV CROSS ESCOLAR.
A proba está aberta á participación de todos os alumnos e alumnas de educación infantil e primaria dos centros escolares públicos do Concello de Pontevedra.
As inscricións poderanse facer polos seguintes medios:
- A través do formulario online dispoñible en https://forms.gle/M96tP5nrafWpcViKA
- Para alumnos do CEIP Vilaverde, a través dos titores de cada grupo.
- A través dos centros e ANPAs colaboradoras.
- No propio centro escolar ata momentos antes do comezo das probas.
Haberá probas para os nenos e nenas de Educación Infantil (3,4 e 5 anos) e para as categorías 1º e 2º de primaria, 3º e 4º de primaria e 5º e 6º de primaria. A todos os nenos se lle entregará auga e un bocadillo, e haberá reparto de premios para todos os participantes.
Tamén teremos unha proba para os ex-alumnos que agora están nos primeiros cursos da ESO (1º e 2º da ESO, nacidos no 2006, 2005) e para os pais e nais dos alumnos.
Pretendemos que máis que unha competición, sexa unha xornada festiva para os rapaces e as súas familias, e fomentar as relacións entre os integrantes dos distintos centros do Concello de Pontevedra.
Para aclarar calquera dúbida pódese chamar ó teléfono 690 731 207 (ANPA) ou 886 15 90 34 (centro escolar).
O cross recorrerá as rúas adxacentes ao centro escolar: rúas Ángel Limeses, San Amaro, Valdecorvos e Vilaverde. Os participantes de todas as categorías se concentrarán no centro escolar, e serán acompañados á zona de saída correspondente por persoal da organización.
Nas rúas polas que discorrerá a proba estará prohibido o estacionamento. As rúas Valdecorvos e Vilaverde, estarán cortadas ao tráfico durante toda a duración da proba. A rúa Ángel Limeses e San Amaro, estarán cortadas durante as probas que as recorren.
Para as persoas que se acerquen con vehículo, recoméndase o estacionamento na Avenida de Lugo e na zona da urbanización de Valdecorvos, xa que o acceso ao centro estará pechado para vehículos dende antes do comezo das probas.
Para o desenrolo das probas contaremos coa colaboración da policía local e protección civil do Concello de Pontevedra e da Asemblea Comarcal da Cruz Vermella en Pontevedra, as que agradecemos por adiantado a súa colaboración.
Categorías, horarios e distancias
As distancias a percorrer, orde das carreiras e horarios aproximados serán os seguintes:
| Categoría | Distancia | Hora | |
|---|---|---|---|
| 1º, 2º Primaria | Nenos | 250m | 10:30 |
| 1º, 2º Primaria | Nenas | 250m | 10:40 |
| 3º, 4º Primaria | Nenos | 700m | 10:50 |
| 3º, 4º Primaria | Nenas | 700m | 11:00 |
| 4º Ed. Infantil | 3 anos | 150m | 11:10 |
| 5º Ed. Infantil | 4 anos | 150m | 11:20 |
| 6º Ed. Infantil | 5 anos | 150m | 11:30 |
| 5º, 6º Primaria | Nenos | 1200m | 11:45 |
| 5º, 6º Primaria | Nenas | 1200m | 12:00 |
| 1º, 2º ESO | Nacidos no 2005, 2006 | 1500m | 12:15 |
| Pais e avós | 250m | 12:30 | |
| Nais e avoas | 250m | 12:40 | |
Normas
Plano do circuito
Organiza
A directiva da ANPA "Os Valados"
O equipo directivo e profesorado do CEIP Vilaverde - Mourente
Entidades colaboradoras
